HaRaH

Эрдэнэт хотоос гаралтай, хип хоп урсгалаар уран бүтээл туурвигч "Outlaw" хамтлаг сонсогч, фенүүддээ шинэ уран бүтээлээрээ бэлэг барьж байна. Тус хамтлагийн шинэ уран бүтээл "Шаргал гуниг" хэмээн нэрлэгдсэн бөгөөд алтан шаргал намрын улиралд бүтээгдсэн энэхүү клипийг Skin Entertainment-д хийж гүйцэтгэжээ. Клипэнд "Outlaw" хамтлагийн залуусаас гадна нэгэн цагт "Sound Of Kiss” хамтлагаар овоглож явсан дуучин, жүжигчин Мино тоглосон байна. "Шаргал гуниг" дуу болон клип та бүхний тааллыг хүлээж, сонсох дуртай дууны тань нэг болно бизээ.

Дуучин Хаагийгийн аав нартаа зориулж бүтээсэн ээлжит уран бүтээлийг дуу хөгжим сонирхогч залуус та бүхний хүртээл болгож байгаадаа баяртай байна. Дуучин Хатанбаатар буюу Хаагий "Аавдаа хүрээд ир" нэртэй энэхүү дуундаа F Studio-гийн уран бүтээлч залуусаар клип хийлгэжээ. Аавын тухай, аавыгаа санаж үгүйлж байгаа үр бүхний тухай дуулсан энэ дуу болон дууны клип үзэгч, сонсогч та бүхний тааллыг хүлээж, сонсох дуртай, аялах дуртай, үзэх дуртай дуу, клип тань болж чадна гэдэгт эргэлзэхгүй байгаагаа энэ дашрамд илэрхийлье.